مرزعة نيمو نفسك تروح مكان جديد ومختلف وطبيعة اية ولا تايلندا

المصدر

مزرعة نيمو

مصر جميلة جدا فيها اماكن كتير للاسف ناس كتير متعرفش عنها كلنا متعودين اننا نروح الاماكن المعروفة من الحدائق بقا كلها وكدا وبنتقاجا لما نعرف ان في اماكن حلوة قوي ورخيصة

كنت عايزة احكيلكوا النهارده عن رحلتنا لمزرعة نيمو اللى عند مدينة الشروق المكان جديد ومختلف وفعلا تغيير عن الخروجات التقليدية زى الكافيهات والمطاعم الواحد مش بيجدد نشاطه ولا بيحس باختلاف.

المزرعة هناك جوها منعش جدا والطبيعة اللى حواليك مبهرة فعلا، هحكيلكوا عن الحاجات اللى هناك بالتفصيل يمكن افيدكوا وحد يحب يجرب يروح هناك.

الاول المكان بتاع المزرعة يعتبر قريب مش بعيد هو عند مدينة الشروق ولو حد مش معاه عربية المواصلات لهناك مش صعبة خصوصا ان مدينة الشروق بقت حيوية وفيها سكان ومدارس ومولات فا سهل توصل للمزرعة.

هناك بيعرفوك على الحرف القديمة اللى كان بيشتغل فيها الفلاح او الانسان البسيط فا هتلاقى الحيوانات اللى بيرعاها الفلاح زى البقر والجاموس والخروف والبط والفراخ والارانب والماعز، كل دى حيوانات هتلاقوها هناك وممكن تتصوروا وتلعبوا معاهم .

وبعدين يشرحلك دور الفلاحة المصرية فا هتلاقى هناك فلاحات يخبزوا العيش الفلاحى وممكن تساعدهم فى الخبز وبيطلع فعلا طعمه رائع ومختلف.

وكمان هيشرحلك مراحل الزراعة بتم ازاى من البداية وممكن تساعدهم فى الزراعة بنفسك.
وبعدين فى ورشة صناعة الفخار ودى بجد ممتعة جدا لانك بتشوف الفخار بيتشكل ازاى وبتعمله بنفسك وبتاخد الشكل اللى عملته وانت مروح.

وفى هناك تعليم الصيد هما جايبين حوض سمك كبير وبيعلموك الطريقة الصح عشان تصطاد السمك.

كمان بعد كل ده اللى يحب ممكن يشارك فى مهرجان الالوان اللى بيعملوه الاطفال بتتبسط فيه جدا.
اليوم كان حلو فعلا ومميز وانصح اى حد محتاج يغير جو ويبعد عن الروتين انه يروحه هيتبسط ويحس باختلاف.

صفحة الفيسبوك
https://www.facebook.com/nemosfarm/

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s